Gwahardd trwydded clwb nos lle bu farw dyn yn Birmingham
30/12/2022Mae trwydded clwb nos yn Birmingham lle cafodd dyn ei drywanu i farwolaeth wedi cael ei wahardd.
Bu farw Cody Fisher ar ôl iddo gael ei drywanu yng nghlwb Crane yn y ddinas ychydig cyn 23:45 ar Ŵyl San Steffan.
Fe wnaeth Cyngor Dinas Birmingham gynnal cyfarfod ddydd Gwener wedi i Heddlu Gorllewin Canolbarth Lloegr ddweud fod yna "fethiannau rheoli sylweddol" wedi digwydd yn y clwb nos.
Today the Licensing Sub Committee heard a review of Crane nightclub's premises licence which has resulted in the venue’s licence being suspended, pending a full review to be heard within 28 days.
— Bham City Council (@BhamCityCouncil) December 30, 2022
A recording of meeting can be viewed here: https://t.co/fn7CLiryKd https://t.co/qECXUjYOmk
Mae trwydded y clwb bellach wedi cael ei wahardd gan y cyngor tan y bydd yna wrandawiad llawn yn cael ei gynnal ymhen pedair wythnos.
Cyhoeddodd Heddlu Gorllewin Canolbarth Lloegr eu bod wedi arestio dyn 22 oed ychydig wedi hanner nos yng nghanol dinas Birmingham, dyn 21 oed a gafodd ei arestio yn Llundain, yn ogystal â thrydydd person mewn cysylltiad â'r farwolaeth.
Bellach mae'r heddlu wedi derbyn caniatâd gan y llys i ddal y ddau ddyn 21 a 22 oed yn y ddalfa am y tro. Mae'r trydydd person hefyd yn parhau yn y ddalfa.