Mae'r Swyddfa Dywydd wedi cyhoeddi rhybudd melyn am law i rannau o Gymru ar gyfer dydd Sadwrn.

Fe fydd y rhybudd yn dod i rym am hanner nos nos Wener ac yn para hyd at 21:00 nos Galan.

Mae'r rhybudd yn effeithio ar 14 sir yng Nghymru.

Mae disgwyl cyfnodau trwm o law trwy gydol dydd Sadwrn, gyda rhai ardaloedd yn gweld 10mm o law o fewn awr.

Gyda'r tir eisoes yn wlyb, fe all y glaw trwm achosi llifogydd mewn mannau gan achosi difrod i rai cartrefi a busnesau.

Mae'r Swyddfa Dywydd hefyd yn rhybuddio fe all y glaw effeithio ar amodau gyrru ac achosi oed i drafnidiaeth gyhoeddus.

Mae'r rhybudd yn effeithio ar y siroedd canlynol:

• Abertawe 
• Blaenau Gwent 
• Bro Morgannwg 
• Caerdydd
• Caerffili
• Casnewydd 
• Merthyr Tudful 
• Pen-y-bont ar Ogwr
• Port Talbot Castell-nedd
• Powys 
• Rhondda Cynon Taf
• Sir Fynwy 
• Sir Gaerfyrddin 
• Torfaen