Bydd Cristiano Ronaldo yn gadael tîm pêl-droed Manchester United "ar unwaith".

Mewn datganiad brynhawn dydd Mawrth, dywedodd y clwb eu bod yn "diolch iddo am ei gyfraniad sylweddol dros ddau gyfnod yn Old Trafford, gan sgorio 145 gôl mewn 346 o ymddangosiadau, ac rydym yn dymuno'r gorau iddo a'i deulu ar gyfer y dyfodol".

Cristiano Ronaldo is to leave Manchester United by mutual agreement, with immediate effect.

The club thanks him for his immense contribution across two spells at Old Trafford.#MUFC

— Manchester United (@ManUtd) November 22, 2022

Daw hyn wedi i Ronaldo ddweud mewn cyfweliad gyda'r cyflwynydd Piers Morgan ar gyfer TalkTV yr wythnos diwethaf ei fod yn teimlo iddo gael ei "fradychu" gan ei glwb, a'i fod yn cael ei orfodi i adael Old Trafford.

Dywedodd hefyd yn ystod y cyfweliad nad oedd yn parchu'r rheolwr Erik ten Hag, gan ddweud "nid oes gen i ddim parch tuag ato, gan nad yw'n dangos parch tuag ata i."

Llun: Manchester United