Newyddion S4C

Prif Weinidog DU

Dominic Raab yn galw am ymchwiliad i'w ymddygiad yn dilyn cwynion swyddogol

NS4C 16/11/2022

Mae Dominic Raab wedi gofyn am ymchwiliad i'w ymddygiad fel gweinidog yn San Steffan yn dilyn dwy gŵyn swyddogol yn ei erbyn.

Mae'r dirprwy brif weinidog wedi ysgrifennu llythyr at y prif weinidog Rishi Sunak yn gofyn am ymchwiliad annibynnol i'r cwynion, gydag un cwyn yn cyfeirio at ei gyfnod fel ysgrifennydd tramor a'r llall pan oedd yn ysgrifennydd dros gyfiawnder.

Yn y llythyr, sydd wedi ei gyhoeddi ganddo ar gyfryngau cymdeithasol, dywedodd: "Dwi'n edrych ymlaen at fynd i'r afael â'r cwynion, a pharhau i wasanaethu fel Dirprwy Prif Weinidog, Ysgrifennydd Tramor, ac Arglwydd Ganghellor."

Bydd y AS dros Esher a Walton yn wynebu cwestiynau gan ASau yn sesiwn Cwestiynau’r Prif Weinidog ar ran Rishi Sunak ddydd Mercher.

This website uses cookies to ensure you get the best experience on our website.