Mae ymgyrchwyr amgylcheddol wedi ymosod ar ddarlun drudfawr gan yr artist Gustav Klimt mewn amgueddfa yn Fienna, Awstria.

Fe wnaeth dau ddyn sydd yn aelodau o fudiad 'Cenhedlaeth Olaf Awstria' dywallt hylif du ar y darlun ddydd Mawrth.

Mewn datganiad ar gyfryngau cymdeithasol, dywedodd y mudiad mai'r bwriad oedd protestio yn erbyn ffynonellau olew a nwy.

🛢️EILT: Klimt's "Tod und Leben" im Leopold Museum mit Öl überschüttet🛢️

Menschen der Letzten Generation haben heute im Leopold Museum das Klimt-Gemälde "Tod und Leben" mit Öl überschüttet. Neue Öl- und Gasbohrungen sind ein Todesurteil für die Menschheit. pic.twitter.com/4QKAklB9Af

— Letzte Generation Österreich (@letztegenAT) November 15, 2022

Ni chafodd y gwaith celf ei ddinistrio gan fod haen o wydr yn ei amddiffyn.

Fe ddaw'r ymosodiad diweddaraf yn dilyn nifer o achosion tebyg gan ymgyrchwyr amgylcheddol eraill dros yr wythnosau diwethaf.

Fis yn ôl fe wnaeth protestwyr ymgyrch 'Just Stop Oil' daflu cawl tomato ar ddarlun enwog gan Vincent van Gogh yn y Galeri Genedlaethol yn Llundain.