Bydd Tîm Pêl-droed Cymru yn treulio eu diwrnod cyntaf yn Qatar ddydd Mercher. 

Fe wnaeth carfan Rob Page adael Maes Awyr Caerdydd brynhawn Mawrth gan gyrraedd Qatar yn hwyr yn y nos. 

Bydd y chwaraewyr yn cymryd rhan mewn digwyddiad Ymrwymiad Cymunedol FIFA lle byddant yn cyfarfod â phlant lleol.

Welcome to Qatar @FAWales 🏴󠁧󠁢󠁷󠁬󠁳󠁿 #Qatar2022 #WorldCup pic.twitter.com/1T9rNS7XYH

— Road to 2022 (@roadto2022en) November 16, 2022

Dydd Iau fydd y diwrnod cyntaf i'r garfan gymryd rhan mewn sesiwn hyfforddi yn y wlad.

Bydd Cymru yn wynebu UDA yn eu gêm gyntaf yng Nghwpan y Byd ddydd Llun, cyn herio Iran a Lloegr ar 25 Tachwedd a 29 Tachwedd. 

Dyma'r tro cyntaf i Gymru gyrraedd rowndiau terfynol Cwpan y Byd ers 1958.