Newyddion S4C

Tywydd garw

Rhybudd melyn am law i ran helaeth o'r wlad

NS4C 15/11/2022

Mae rhybudd melyn wedi ei gyhoeddi am law dros ran helaeth o Gymru fore Mawrth.

Bydd yn effeithio ar 14 o siroedd ar draws y wlad.

Mae'r rhybudd mewn grym rhwng 00:00 ac 13:00.

Fe allai 15-30mm o law ddisgyn mewn ardaloedd yn y de, gyda 40-50mm ar dir uchel.

Mae rhybuddion y gallai cyflwr y ffyrdd fod yn beryglus. Yn ogystal fe allai'r glaw trwm effeithio ar wasanaethau trafnidiaeth gyhoeddus.

Fe allai rhai tai a busnesau ddioddef llifogydd hefyd.

Bydd y rhybudd yn effeithio ar y siroedd canlynol:

  • Abertawe
  • Blaenau Gwent
  • Bro Morgannwg
  • Caerdydd
  • Caerffili
  • Casnewydd
  • Castell-nedd Port Talbot
  • Merthyr Tudful
  • Penybont 
  • Powys
  • Rhondda Cynon-Taf
  • Sir Gaerfyrddin
  • Sir Fynwy
  • Torfaen

This website uses cookies to ensure you get the best experience on our website.