Mae'r perchnogwr ceffylau Dai Walters a'r hyfforddwr ceffylau Sam Thomas wedi'u cludo i ysbyty ar ôl damwain hofrennydd ger Rhuthun yn Sir Ddinbych ddydd Mawrth. 

Cafodd y gwasanaethau brys eu galw yn hwyr yn y prynhawn, i ardal goediog yn Llanelidan. 

Yn ôl Sky Sports Racing, mae Mr Walters, wnaeth adeiladu cae ras Ffos Las, wedi dioddef anafiadau mwy difrifol na Mr Thomas. 

Ychwanegodd Luke Harvey o Sky Sports Racing bod Mr Walters ar ddihun yn yr ysbyty ac yn derbyn triniaeth, er bod ei anafiadau yn fwy difrifol.

Mae'r Awdurdod Awyrennau Sifil yn cynnal ymchwiliad.