Mae protestiadau ymgyrchwyr Just Stop Oil wedi “achosi llawer o aflonyddwch a rhwystredigaeth ymhlith y cyhoedd”, meddai Comisiynydd Cynorthwyol Heddlu'r Met, Matt Twist, ar ôl diwrnod arall o ymgyrchu gan y mudiad.

Roedd protestwyr wedi atal traffig yn Llundain dydd Sadwrn ar Stryd Fawr Kensington, Ffordd Charing Cross, Ffordd Parc Kennington a Ffordd Blackfriars ac fe wnaeth yr heddlu arestio nifer o unigolion.

Mae Just Stop Oil yn ymgyrch sydd yn ceisio dwyn pwysau ar Lywodraeth y DU i atal trwyddedu a chynhyrchu tanwydd ffosil newydd.

🚨 BREAKING: FOUR KEY LONDON ROADS BLOCKED 🚨

🚧 At noon today, 61 Just Stop Oil supporters stopped traffic on Charing Cross Road, Kensington High Street, Kennington Road and Blackfriars Road, demanding that the Government halts all new oil and gas consents and licences. pic.twitter.com/ANjWdyUiYB

— Just Stop Oil ⚖️💀🛢 (@JustStop_Oil) October 29, 2022

Fe wnaeth nifer o aelodau'r cyhoedd lusgo'r ymgyrchwyr o'r ffordd yn ystod y protestiadau.

Wrth ymateb i'r protestio yn Llundain, dywedodd Matt Twist fod ymgyrchwyr wedi gludo eu hunain i rai o ffyrdd y ddinas a bod yr heddlu wedi ateb mewn dull priodol. 

“Mae’r Met wedi ymrwymo’n llwyr i ddarparu ymateb cyflym ac effeithiol i weithredwyr sydd wedi bod yn amharu’n sylweddol ac yn fwriadol ar fywydau beunyddiol pobl. Ers 1 Hydref, rydym bellach wedi arestio 651 o bobl, ”meddai.

Ychwanegodd Mr Twist: “Byddwn bob amser yn darparu ymateb plismona cymesur i brotest ac yn ceisio gweithio gyda threfnwyr fel y gall protestiadau fynd rhagddynt yn ddiogel.

“Fodd bynnag, mae’r cyhoedd yn gywir yn disgwyl i ni ymateb yn gyflym ac yn effeithiol lle mae protest yn croesi’r llinell yn droseddol.”