Newyddion S4C

Mark Drakeford, Prif Weinidog Cymru

Rishi Sunak yn cysylltu â Mark Drakeford

NS4C 26/10/2022

Mae Prif Weinidog newydd y Deyrnas Unedig, Rishi Sunak, wedi cysylltu â phrif weinidog Cymru Mark Drakeford ar ei ddiwrnod cyntaf. 

Mae'n draddodiad i brif weinidogion newydd yn San Steffan i siarad ag arweinwyr y llywodraethau datganoledig ar ôl cymryd yr awenau. 

Ond yn ystod ei chyfnod byr o 49 diwrnod fel prif weinidog, ni wnaeth Liz Truss gysylltu gyda phrif weinidog Cymru. 

Dydy Mr Sunak ddim wedi dilyn y trywydd yma, gan ddweud ar gyfryngau cymdeithasol nos Fawrth ei fod wedi siarad â Mark Drakeford, oriau'n unig ers dod yn brif weinidog. 

Dywedodd Mr Drakeford eu bod wedi siarad ynglŷn â'r pwysigrwydd o gydweithio fel pedair cenedl i wynebu'r heriau mae'r DU yn ei wynebu.

This website uses cookies to ensure you get the best experience on our website.