Newyddion S4C

Un person yn derbyn triniaeth yn dilyn tân yng Nghaernarfon

Un person yn derbyn triniaeth yn dilyn tân yng Nghaernarfon

NS4C 18/09/2022

Mae un person yn derbyn triniaeth am effeithiau anadlu mwg yn dilyn tân “difrifol" yng Nghaernarfon ddydd Sul.

Cafodd ymladdwyr tân eu galw i’r eiddo ar Ffordd Ysgubor Goch am tua 09:30.

Bu’n rhaid i gymdogion symud o’u cartrefi ac mae’r cyhoedd wedi cael eu cynghori i gadw draw o’r ardal.

Bu’n rhaid cau’r ffordd wrth i Heddlu Gogledd Cymru a Gwasanaeth Tân ac Achub Gogledd Cymru ymchwilio i’r digwyddiad.

Cafodd tri o beiriannau ymladd tân eu danfon i’r digwyddiad.
 

This website uses cookies to ensure you get the best experience on our website.