Clwb Pêl-droed Caerdydd yn diswyddo eu prif hyfforddwr Steve Morison

18/09/2022
Steve Morison

Mae Clwb Pêl-droed Caerdydd wedi diswyddo eu prif hyfforddwr Steve Morison.

Daw hyn yn sgil colled arall i’r adar gleision ddydd Sadwrn yn Huddersfield o 1-0.

Mae Caerdydd yn yr 18fed safle yn y Bencampwriaeth ac wedi ennill dim ond un gêm allan o’r pump diwethaf.

Mewn datganiad, dywedodd y clwb: “Hoffem ddiolch i Steve am ei ymdrechion yn ystod ei amser gyda Chaerdydd, gan sefydlogi’r tîm cyntaf a helpu’r garfan i esblygu yn unol ag athroniaeth y clwb yr haf yma.  Dymunwn yn dda iddo yn y dyfodol."

Dywedodd y clwb fe fydd Mark Hudson yn cymryd yr awenau wrth i’r clwb drafod opsiynau am y rôl.

Llun: Asiantaeth Huw Evans

Newyddion diweddaraf

Mae'r wefan hon yn defnyddio cwcis i sicrhau eich bod chi'n cael y profiad gorau ar ein gwefan.