Newyddion S4C

Culverhouse Cross - Leckwith / Caerdydd

Chwech wedi eu hanafu mewn gwrthdrawiad un cerbyd yng Nghaerdydd

NS4C 02/09/2022

Mae Heddlu De Cymru yn ymchwilio wedi i chwe pherson gael eu hanafu mewn gwrthdrawiad un cerbyd yng Nghaerdydd.

Fe ddigwyddodd y gwrthdrawiad ar yr A4232 rhwng Croes Cwrlwys a Lecwydd am tua 23:35 ar nos Iau, 1 Medi.

Roedd y gwrthdrawiad yn cynnwys Fiat Punto llwyd a adawodd y ffordd, gan daro coed a mynd ar dân.

Cafodd y chwe pherson oedd yn y car eu cludo i Ysbyty Athrofaol Caerdydd lle maen nhw'n derbyn triniaeth am eu hanafiadau.

Mae Heddlu'r De yn apelio am wybodaeth gan unrhyw un a welodd y gwrthdrawiad, neu sydd â deunydd fideo o ffôn symudol neu gamera dashfwrdd i gysylltu â nhw gan ddefnyddio cyfeirnod 2200298022.

Llun: Google

This website uses cookies to ensure you get the best experience on our website.