Mae'r chwaraewr rhyngwladol dros Fiji,  Nikola Matawalu, wedi ymuno gyda chlwb rygbi Pontypridd. 

Mae'r chwaraewr 33 oed wedi cyfnewid Paris am y cymoedd wrth iddo adael Racing 92 yn Ffrainc. 

Yn ystod ei yrfa, bu'r mewnwr, sydd hefyd yn gallu chwarae ar yr asgell, hefyd yn chwarae gyda Glasgow Warriors, Caerfaddon a Chaerlŷr. 

Mae hefyd wedi ennill 36 o gapiau dros Fiji, gan gynnwys yn erbyn Cymru'r flwyddyn ddiwethaf yn ystod cyfres yr Hydref. 

Fe fydd Matawalu yn ymuno gyda'r clwb fel chwaraewr a hyfforddwr sgiliau rhan amser, wrth iddo astudio cwrs hyfforddi rygbi ym Mhrifysgol De Cymru. 

Llun: Clwb Rygbi Pontypridd