Bydd miloedd o ddisgyblion ar draws y wlad yn derbyn eu canlyniadau TGAU ddydd Iau.

Eleni oedd y tro cyntaf ers dwy flynedd i arholiadau TGAU ffurfiol gael eu cynnal oherwydd Covid-19.

Llynedd gwelwyd y canlyniadau uchaf erioed yng Nghymru gyda 28.7% yn derbyn gradd A* neu A a phasiodd 98% gyda graddau rhwng A*- G.

Wythnos diwethaf cafodd canlyniadau Safon Uwch eu cyhoeddi, lle'r oedd gostyngiad wedi bod yn y graddau uchaf ar gyfer cymwysterau Safon Uwch, ond maen nhw'n parhau'n uwch na 2019.

Mae Mark Drakeford, Prif Weinidog Cymru wedi dymuno yn dda i bob disgybl sy'n derbyn eu canlyniadau TGAU ddydd Iau. 

"Rydych i gyd wedi gweithio mor galed ag rwy'n gobeithio y cewch chi'r canlyniadau roeddech chi eisiau," meddai.

Pob lwc i bawb sydd yn derbyn eu canlyniadau #TGAU fory.

Rydych i gyd wedi gweithio mor galed ag rwy’n gobeithio y cewch chi'r canlyniadau roeddech chi eisiau – rwy’n croesi fy mysedd i chi gyd!

— Mark Drakeford (@PrifWeinidog) August 24, 2022

Ychwanegodd yr Ysgrifennydd Addysg a'r Gymraeg, Jeremy Miles y dylai pawb sy'n derbyn eu canlyniadau "fod yn falch o'u gwaith caled".

Dylai pawb sy'n derbyn canlyniadau yfory fod yn falch o'u gwaith caled. Pob lwc i chi yfory ac ar gyfer eich camau nesaf.

Pob lwc to everyone getting their results tomorrow, you should be proud of your hard work. Good luck on your next steps.#CanlyniadauCymru #ResultsWales

— Jeremy Miles (@Addysg_Cymraeg) August 24, 2022

Fe fydd y dudalen hon yn cael ei diweddaru wrth i'r canlyniadau gael eu rhyddhau ddydd Iau.