Mark Drakeford yn cael ei urddo i'r Orsedd
05/08/2022Mae Mark Drakeford wedi ei urddo i'r Orsedd mewn seremoni ddydd Gwener.
Cafodd ei anrhydeddu ar ran gweithwyr allweddol Cymru am eu gwaith yn ystod y pandemig.
Mae Mark Drakeford wedi bod yn Brif Weinidog ers 2018, ar ôl iddo olynu Carwyn Jones fel arweinydd y blaid Lafur yng Nghymru.
Mae wedi cynrychioli etholaeth Gorllewin Caerdydd yn y Senedd ers 2011.
Diwrnod gwirioneddol arbennig yn yr @Eisteddfod.
— Mark Drakeford (@PrifWeinidog) August 5, 2022
Cymro balch iawn 🏴 pic.twitter.com/sBD0LrcTZp
Mewn datganiad ar ran yr Orsedd, dywed ei fod wedi ei urddo am ei "arweiniad tawel, clir a chydwybodol yn ystod cyfnod Covid-19".
Mae'r Ceidwadwyr Cymreig wedi beirniadu'r penderfyniad i urddo Mr Drakeford fel cam "gwleidyddol amlwg".
Ymhlith eraill i gael eu hurddo er anrhydedd ar faes yr Eisteddfod ddydd Gwener oedd y darlledwr Huw Edwards.
Llun: Llywodraeth Cymru