Mae Arlywydd yr UDA wedi trafod llofruddiaeth y newyddiadurwr Jamal Kashoggi mewn cyfarfod gyda thywysog Sawdi Arabia Mohammad bin Salman.

Dywedodd Arlywydd Biden ei fod wedi trafod y llofruddiaeth “ar ddechrau’r cyfarfod."

Ychwanegodd ei fod wedi rhoi ei farn yn “uniongyrchol ac yn hollol glir.”

Yn ôl lluoedd diogelwch yr UDA, roedd y tywysog wedi cymeradwyo’r cynllun i lofruddio Mr Kashoggi yn swyddfa conswl Sawdi Arabia yn Istanbul yn 2018.

Mae’r tywysog wedi gwadu’r honiadau.

Darllenwch fwy yma.

Llun: ITV  News