Chwaraewr pêl-droed Cymru, David Brooks yn rhydd o ganser
Mae’r chwaraewr pêl-droed David Brooks wedi cyhoeddi ei fod bellach yn rhydd o ganser wedi iddo dderbyn triniaeth.
Mewn datganiad ar wefan Twitter ddydd Mawrth, dywedodd: “Rwy'n falch iawn o ddweud bod y driniaeth wedi bod yn llwyddiannus a gallaf ddweud fy mod yn rhydd o ganser.”
Mis Hydref y llynedd, rhannodd Brooks, sydd yn chwarae dros Gymru a Bournemouth, ei fod wedi derbyn diagnosis o Hodgkin Lymphoma Cam II.
Dywedodd bryd hynny fod y newyddion wedi bod yn “sioc” iddo ef a’i deulu.
Fe ddechreuodd Brooks ar driniaeth ar gyfer y cyflwr ar ôl iddo chwarae mewn rhai o gemau Cymry ym mhencampwriaeth Euro 2020. Ond bu’n rhaid iddo ildio ei le yn y garfan ar ôl cael ei daro’n wael.
Mae Brooks wedi chwarae dros Gymru ers 2017, ac fe ymunodd â Bournemouth yn 2018.
— David Brooks (@DRBrooks15) May 3, 2022
Ychwanegodd: “Dwi’n hynod ddiolchgar am yr holl negeseuon dwi wedi ei dderbyn. Roedd y rhain yn help mawr i mi drwy’r amseroedd anodd.”
Dywedodd hefyd ei fod yn edrych ymlaen at ganolbwyntio ar ei iechyd, ffitrwydd a’i yrfa.
“Rwy’n benderfynol o weithio’n galed dros y misoedd i ddod ac ni allaf aros i chwarae o’ch blaen ar y cae yn y dyfodol agos.”
Llun: Asiantaeth Luniau Huw Evans
