Newyddion S4C

Heddlu

Apêl am wybodaeth ar ôl i ddyn farw wedi gwrthdrawiad yng Ngheredigion

NS4C 03/05/2022

Mae Heddlu Dyfed-Powys yn ymchwilio i wrthdrawiad angheuol yng Ngheredigion ddydd Gwener.

Digwyddodd y gwrthdrawiad rhwng beic modur Honda lliw arian a BMW du, ar ffordd y B4576 rhwng Llanfarian a Llangwyryfon ychydig cyn 15:15.

Bu farw'r dyn 62 oed a oedd yn gyrru'r beic modur yn y fan a'r lle.

Mae gyrrwr y BMW yn cynorthwyo'r heddlu gyda'u hymholiadau.

Mae'r llu yn gofyn i bobl sydd â gwybodaeth i gysylltu â nhw gan ddefnyddio cyfeirnod DP-20220429-251.

This website uses cookies to ensure you get the best experience on our website.