Mae miliynau o bobl eisoes wedi bod yn croesawu’r flwyddyn newydd.

Atol yng ngwlad anghysbell y Môr Tawel, Kiribati, oedd y lle cyntaf yn y byd i ddechrau 2026.

Ynys Kiritimati oedd y lle cyntaf yn y byd i wneud hynny.

Mae'n rhan o genedl Kiribati, sydd wedi'i lleoli i'r de o Hawaii ac i'r gogledd-ddwyrain o Awstralia.

Mae'n cynnwys sawl atol - riffiau cwrel siâp cylch - ac mae'n ymestyn bron i 4,000km o'r dwyrain i'r gorllewin. Daeth Kiribati yn annibynnol o’r Deyrnas Unedig ym 1979.

Yn gartref i warchodfa forol fwyaf De'r Môr Tawel, mae llawer o'r atolau yn boblog; mae'r rhan fwyaf ohonynt yn isel iawn ac mewn perygl o lefelau'r môr yn codi o ganlyniad i gynhesu byd-eang. Mae gan yr archipelago boblogaeth o tua 116,000. 

Er ei fod bron yn uniongyrchol i'r de o Hawaii, mae Kiribati yn dathlu'r Flwyddyn Newydd ddiwrnod cyfan yn gynharach.

Mae Seland Newydd wedi croesawu'r flwyddyn newydd gyda thân gwyllt yn y brifddinas Auckland.

Fe wnaeth tân gwyllt yn goleuo'r awyr uwchben Tŷ Opera Sydney, Awstralia, am 13:00 GMT.

Traddodiadau

Mae yna draddodiadau amrywiol yn cael eu nodi ar draws y byd wrth ddathlu’r flwyddyn newydd.

Un o draddodiadau Denmarc yw malu platiau ar garreg drws eich ffrindiau, sydd i fod i rhoi lwc dda iddyn nhw dros y 12 mis nesaf.

Yn yr Unol Daleithiau, mae pobl yn Efrog Newydd yn ymgynnull i weld pêl enfawr yn gostwng yn Times Square - wrth i'r cloc daro hanner nos.

Mae pobl yn nhalaith Indiana yn adnabyddus am ollwng melonau dŵr ar y ddaear.

Yn Sbaen mae traddodiad am fwyta un grawnwin bob tro mae'r cloc yn taro am hanner nos - felly 12 grawnwin yn gyflym yn olynol - gan obeithio am 12 mis lwcus yn y flwyddyn i ddod.

Mae canu clychau yn draddodiad arall i rai yn Japan a De Korea.

Yn Japan, mae clychau'n cael eu canu 108 o weithiau - gan greu dechrau swnllyd i'r flwyddyn.

Mae bwyta codlysiau (lentils) yn symboleiddio newyddion o lwc dda yn y flwyddyn newydd i'r bobl ym Mrasil.

Llun: Dinas Sydney