Mae'r ymgeisydd annibynnol Catherine Connolly wedi dod yn arlywydd nesaf Iwerddon ar ôl i'w gwrthwynebydd o Fine Gael Heather Humphreys ildio.

Mae dirprwy brif weinidog Iwerddon wedi llongyfarch Ms Connolly, 68 oed ac sydd â chefnogaeth Sinn Féin, yn "ddifrifol" ar "ddod yn arlywydd nesaf Iwerddon".

Dywedodd Simon Harris, sy'n arwain y blaid Fine Gael a enwebodd Ms Humphreys, y bydd Ms Connolly yn arlywydd "i'r wlad hon i gyd ac i bob un ohonom".

Hi fydd 10fed arlywydd Gweriniaeth Iwerddon ac yn olynu Michael D Higgins, bardd poblogaidd a chyn-weinidog celfyddydau sydd wedi gwasanaethu'r mwyafswm o ddau dymor yn y swydd.

Dywedodd Ms Connolly fe fydd hi'n arlywydd sy'n gwrando, yn myfyrio ac yn siarad pan fo angen.

Mae hi'n dweud y bydd hi'n "llais dros heddwch" ac yn un sy'n adeiladu ar bolisi niwtraliaeth ac yn "mynegi'r nodwedd fodolaethol a orfodir gan newid hinsawdd,” meddai.

"Byddaf yn codi fy llais a'n mantra cyfan yn ystod yr ymgyrch hon yw y gallwn lunio gweriniaeth newydd gyda'n gilydd."