Mae achos o ffliw adar pathogenig iawn wedi'i gadarnhau ar safle ger Cynwyd yn Sir Ddinbych.

Cadarnhaodd Prif Swyddog Milfeddygol Cymru yr achos ddydd Sadwrn. 

Math o firws yw ffliw adar sy'n effeithio ar ddofednod ac adar gwyllt. 

Mae yna nifer o fathau gwahanol o ffliw adar ac nid yw'r rhan fwyaf ohonynt yn heintio pobl. 

Mae Parth Gwarchod 3km a Pharth Gwyliadwriaeth 10km wedi'u sefydlu o amgylch y safle heintiedig er mwyn ceisio atal y ffliw rhag lledaenu.