Mae’r chwaraewr tenis o Abertawe Mimi Xu wedi cyrraedd rownd derfynol Pencampwriaeth Agored Wrecsam.

Fe wnaeth Xu, sy’n 18 oed, guro Yuriko Miyazaki, hefyd o Brydain, yn y rownd gyn-derfynol brynhawn Sadwrn.

Fe enillodd Xu, sy’n 381 ar restr detholion y byd o 6-2, 4-6 a 6-2.

Fe fydd Xu nawr yn herio naill ai Mika Stojsavljevic o Brydain neu Eleva Malygnia o Estonia yn y rownd derfynol ddydd Sul.

Llun: LTA