Mae dyn wedi marw ar ôl digwyddiad ar ffordd gefn ym Môn.

Cafodd yr heddlu eu galw i'r ffordd yn Llanddona ychydig wedi 18.30 nos Lun.

Fe wnaeth swyddogion ddod o hyd i gar Audi A3 oedd yn gorwedd ar ei ben i lawr ar y ffordd.

Cafodd y gwasanaethau brys eu galw, ond roedd y gyrrwr wedi marw yn y fan a’r lle. 

Y gred yw bod y dyn wedi ei daro’n wael, yn ôl y Sarjant Leigh McCann o'r Uned Troseddau'r Ffyrdd.

“Rydym yn cynnal ymholiadau i geisio sicrhau mai dyma ddigwyddodd, ac rydym yn ymchwilio i amgylchiadau’r digwyddiad,” meddai.

“Mae ein meddyliau gyda theulu’r dyn a fu farw.”

Mae’r llu yn apelio am wybodaeth neu luniau dashcam gan unrhyw un oedd yn yr ardal yn ystod adeg y digwyddiad.

Mae modd gwneud hynny drwy gysylltu â’r llu a dyfynnu’r cyfeirnod 25000843245.