Mae Heddlu Gogledd Cymru'n ymchwilio i adroddiadau o graffiti hiliol sydd wedi ymddangos mewn nifer o leoliadau yn Y Rhyl dros y 24 awr ddiwethaf.

Mae'r graffiti wedi ymddangos ar Ffordd Wellington, Stryd yr Abaty, a Ffordd Molineaux yn y dref.

Dywedodd y Prif Arolygydd Wes Williams o Heddlu'r Gogledd: “Rydym yn cymryd pob adroddiad o droseddau casineb o ddifrif. Nid oes lle i ymddygiad o'r fath yn ein cymuned, ac rydym wedi ymrwymo i sicrhau bod y rhai sy'n gyfrifol yn cael eu dwyn i gyfrif.

“Rydym yn deall y gofid y gallai'r digwyddiad hwn ei achosi ac eisiau sicrhau'r cyhoedd ein bod yn gwneud popeth posibl i symud yr ymchwiliad hwn ymlaen.

“Mae lluniau teledu cylch cyfyng lleol yn cael eu hadolygu ar hyn o bryd, ac mae mwy o batrolau yn cael eu cynnal o amgylch canol y dref."

Mae swyddogion yn gofyn i unrhyw un sydd â gwybodaeth i gysylltu gyda'r llu gan ddefnyddio'r cyfeirnod C157578.

“Gyda'n gilydd, gallwn sefyll yn erbyn casineb ac amddiffyn gwerthoedd parch a goddefgarwch yn ein cymunedau,” ychwanegodd y Prif Arolygydd Wes Williams.