Mae dyn wedi marw mewn gwrthdrawiad ger Caernarfon yng Ngwynedd ddydd Llun, meddai’r heddlu.

Dywedodd Heddlu’r Gogledd eu bod nhw wedi derbyn galwad gan y gwasanaeth ambiwlans yn fuan wedi 20.20.

Roedd y gwrthdrawiad un car wedi digwydd rhwng Bontnewydd a Rhostryfan.

Fe gafodd y gyrrwr ei gludo i’r ysbyty ond bu farw yno, medden nhw.

Mae’r crwner wedi cael gwybod.

Llun: Roedd y ffordd ar gau am gyfnod yn dilyn y gwrthdrawiad.