Mae yna ddyfalu fod band y Super Furry Animals am ail-ffurfio. 

Cafodd Super Furry Animals lwyddiant rhyngwladol gan deithio’r byd.  

Mae'r band wedi bod yn rhannu negeseuon cryptig ar eu cyfryngau cymdeithasol dros y dyddiau diwethaf, gan arwain at ddyfalu y byddan nhw yn ail-ffurfio. 

Inline Tweet: https://twitter.com/superfurry/status/1972224769652134399

Fe gafodd y band ei ffurfio yng Nghaerdydd ym 1993, gyda Gruff Rhys, Huw Bunford, Guto Pryce, Cian Ciaran a Dafydd Ieuan yn aelodau.

Fe gyhoeddodd y band eu bod yn cymryd seibiant yn 2010, cyn cael aduniad yn 2015.

Fe wnaeth y band chwarae gyda'i gilydd am y tro olaf yng Nghaerdydd yn 2016.

Mae eu gwefan hefyd ar hyn o bryd yn nodi'r dyddiad 29.09.2025.