Mae plentyn wedi marw oddi ar arfordir Ffrainc wrth geisio croesi'r Sianel mewn cwch bach yn ôl adroddiadau. 

Daw marwolaeth y plentyn ddiwrnod yn unig wedi i ddwy ddynes farw wrth geisio croesi i'r DU mewn digwyddiad ar wahân oddi ar arfordir gogleddol Ffrainc. 

Yn ôl gwefan Nord Littoral, fe gafodd ymchwiliad ei lansio i'r farwolaeth ddiweddaraf a ddigwyddodd am 06:30 ddydd Sul ar draeth Ecault, yn Saint-Etienne-au-Mont.

Mae'r wefan hefyd yn nodi fod 48 o fudwyr wedi derbyn gofal gan wasanaethau brys ond fod y cwch wedi parhau ar draws y Sianel. 

Dywedodd yr erlynydd yn Boulogne-sur-mer, Cecile Gressier: "Mae ymchwiliad wedi cael ei agor i sefydlu amodau'r farwolaeth."

Bu farw'r ddwy ddynes, o Somalia yn honedig, wedi i tua 100 o bobl adael gogledd Ffrainc am y DU mewn cwch bach nos Wener yn ôl adroddiadau yn Ffrainc.