Mae o leiaf 39 o bobl wedi marw, gan gynnwys plant, mewn rali wleidyddol yn nhalaith Tamil Nadu yn ne India.

Roedd degau o filoedd o bobl wedi ymgynnull ddydd Sadwrn mewn digwyddiad ymgyrchu ar gyfer yr actor a drodd yn wleidydd Vijay, yn ardal ddeheuol Karur.

Yn ôl adroddiadau roedd pobl yn llewygu yn y dorf.

Dywedodd Prif Weinidog Tamil Nadu, MK Stalin, fod y marwolaethau yn cynnwys o leiaf 17 o fenywod, 13 o ddynion a naw o blant.

Roedd 51 o bobl eraill yn derbyn triniaeth, meddai.

Ychwanegodd fe fydd ymchwiliad i'r digwyddiad a bydd iawndal o filiwn rupees (£8,400) yn cael ei ddarparu i deuluoedd y meirw.

Dywedodd Prif Weinidog India, Narendra Modi, fod y digwyddiad yn "anffodus" ac yn "drist iawn".

Llun: Reuters