Mae pedwar dyn wedi cael eu cyhuddo mewn cysylltiad â marwolaeth dyn 22 oed yn Rhondda Cynon Taf. 

Bu farw Liam Woolford, 22 oed, o Borth, Rhondda Cynon Taf, yn yr ysbyty ddydd Mawrth.

Mae Jake Staples, 24, o Borth, Rhondda Cynon Taf, wedi ei gyhuddo o lofruddiaeth, ceisio llofruddio, anafu gyda bwriad, cynllwynio i anafu a bod â llafn yn ei feddiant. 

Mae Ethan Ross, 23, o Rydyfelin, wedi ei gyhuddo o geisio llofruddio, cynllwynio i anafu a bod â llafn yn ei feddiant. 

Mae Abeyshake Karunanithy, 22, o Donteg, wedi ei gyhuddo o geisio llofruddio, cynllwynio i anafu a bod â llafn yn ei feddiant. 

Mae Jesse Wandera, 30, o Rydyfelin, wedi ei gyhuddo o gynllwynio i anafu. 

Fe fydd y pedwar yn ymddangos yn Llys Ynadon Casnewydd fore Sadwrn. 

Dywedodd y Ditectif Uwch-arolygydd Paul Raikes: "Mae ein meddyliau gyda theulu a ffrindiau Liam Woolford yn ystod y cyfnod anodd yma. Hoffwn hefyd ddiolch i gymuned Rhydyfelin am eu cefnogaeth yn ystod ein hymchwiliad."