Mae dyn 49 oed wedi pledio’n euog ar ôl bygwth sawl person â chyllell ym Merthyr.

Cafodd Heddlu De Cymru eu galw i eiddo ar Ffordd Gwaunfarren ym Mhenydarren am 17.10 ar ddydd Gwener 19 Medi.

Roedd swyddogion yn ymateb i adroddiadau bod dyn â chyllell yn ei feddiant yn bygwth person mewn tŷ, cyn bygwth pobl eraill ar y stryd.

Cafodd swyddogion arfog eu galw i’r lleoliad i gefnogi swyddogion, ac fe gafodd y dyn ei arestio heb unrhyw ddigwyddiad pellach.

Nid oedd unrhyw anafiadau yn ystod y digwyddiad.

Cafodd Darren Morris, 49 oed, o Galon Uchaf, Merthyr, ei gyhuddo o affräe, achosi difrod troseddol, bod â chyllell yn ei feddiant mewn lle cyhoeddus, a gyrru cerbyd gyda lefel alcohol yn uwch na’r terfyn cyfreithiol.

Fe blediodd yn euog i bob cyhuddiad yn Llys Ynadon Merthyr ac mae wedi’i rhyddhau ar fechnïaeth tan ei ymddangosiad nesaf yn y llys ddiwedd Hydref.