Mae dau rybudd melyn am law trwm wedi eu cyhoeddi i rannau helaeth o Gymru ar gyfer dydd Mercher.

Fe allai'r glaw arwain at lifogydd mewn rhai cartrefi a busnesau, ac fe all effeithio ar amseroedd teithio ar y ffyrdd.

Fe all effeithio ar wasanaethau bysiau a threnau hefyd.

Mae'r rhybudd cyntaf yn dod i rym rhwng 03:00 a 12:00 ac mae'n berthnasol i'r siroedd canlynol:

• Ceredigion
• Conwy
• Gwynedd
• Powys

Mae'r ail rybudd yn dod i rym am 06:00 ddydd Mercher ac fe fydd mewn grym hyd at 23:00.

Mae'r rhybudd yma'n berthnasol i'r siroedd canlynol:

• Blaenau Gwent
• Pen-y-bont ar Ogwr
• Caerffili
• Caerdydd
• Sir Gâr
• Merthyr Tudful
• Nedd Port Talbot
• Powys
• Rhondda Cynon Taf
• Abertawe
• Bro Morgannwg