Mae’r Cymro Elfyn Evans wedi gorffen Rali Chile yn yr ail safle ar ddiwedd cymalau olaf ddydd Sul.

Fe ddaeth yn ail i Sébastien Ogier o Ffrainc sydd hefyd wedi disodli'r Cymro ar frig Pencampwriaeth y Byd.

Roedd Evans, o Ddolgellau, yn bumed yn dilyn chwe chymal agoriadol y rali ddydd Gwener.

Ond fe frwydrodd yn ôl i arwain ar ôl cymal naw, sef trydydd cymal ddydd Sadwrn.

Fe gollodd ei le ar frig y ras i Sébastien Ogier ar y degfed cymal ac roedd Evans ychydig dros chwe eiliad y tu ôl i’r Ffrancwr ar ddiwedd cymalau ddydd Sadwrn.

Roedd Evans 11 eiliad y tu ôl i Ogier ar ddiwedd y rali a dau bwynt y tu ôl iddo yn y bencampwriaeth.

Roedd Evans yn arwain Pencampwriaeth y Byd cyn Rali Chile ac mae ganddo dair rali yn weddill o'r tymor i daro nôl.

Fe fydd y rali nesaf yn Y Weriniaeth Tsiec ar 16 Hydref.

Inline Tweet: https://twitter.com/RalioS4C/status/1967275338721108226

Llun: X/Elfyn Evans