Mae seiclwr wedi cael ei gludo i'r ysbyty gydag anafiadau sy'n peryglu bywyd wedi gwrthdrawiad ar yr A40 yn Sir Benfro.

Cafodd Heddlu Dyfed-Powys eu galw i adroddiad o wrthdawiad rhwng fan a seiclwr ar yr A40 ger Llanddewi Elelffre am 08:10 ddydd Gwener.

Roedd y seiclwr wedi cael ei gludo i'r ysbyty mewn ambiwlans awyr ac gydag anafiadau sy'n peryglu bywyd.

Cafodd dyn 33 oed ei arestio ar amheuaeth o achosi anafiadau difrifol trwy yrru'n beryglus a gyrru cerbyd anaddas.

Mae'n parhau yn y ddalfa, meddai'r heddlu.

Wrth i'r heddlu ymchwilio i'r digwyddiad mae'r ffordd ar gau, ac mae disgwyl iddo barhau ar gau am beth amser.

Mae Heddlu Dyfed-Powys yn apelio am dystion neu unrhyw un sydd â gwybodaeth i gysylltu trwy ddyfynnu'r cyfeirnod DP-20250822-066.