Mae ymosodwr Cymru Nathan Broadhead wedi arwyddo i Wrecsam.

Mae Broadhead, 27, yn arwyddo o glwb Ipswich Town.

Mae Wrecsam wedi torri eu record yn y ffenestr drosglwyddo sawl gwaith yn barod ers i'r sêr Hollywood Ryan Reynolds a Rob McElhenney brynu'r clwb yn 2021. 

Broadhead fydd y nawfed chwaraewyr y mae Wrecsam wedi ei arwyddo ers iddyn nhw sicrhau dyrchafiad o Adran Un y tymor diwethaf. 

Bydd yn dilyn ei gyd-chwaraewyr gyda Chymru, Danny Ward a Kieffer Moore, sydd eisoes wedi ymuno â'r clwb dros yr haf. 

Yn enedigol o Fangor, roedd Broadhead yn aelod o academi Wrecsam, ac fe ddechreuodd ei yrfa broffesiynol gydag Everton cyn ymuno ag Ipswich yn barhaol yn 2023 yn dilyn cyfnodau ar fenthyg gyda Burton Albion, Sunderland a Wigan Athletic. 

Roedd yn rhan o dîm Ipswich a wnaeth sicrhau dyrchafiad o Adran Un i'r Bencampwriaeth, ac o'r Bencampwriaeth i Uwch Gynghrair Lloegr.