Mae’r heddlu wedi cadarnhau fod dyn wedi marw ar ôl cwympo yn Stadiwm Wembley yn ystod cyngerdd Oasis nos Sadwrn.

Dywedodd heddlu’r metropolitan fod swyddogion ar ddyletswydd yn y stadiwm wedi ymateb, gyda chymorth meddygon o wasanaeth Ambiwlans Llundain, yn dilyn adroddiadau bod person wedi'i anafu am tua 10.20pm.

Dywedodd y datganiad gan y llu: "Cafwyd hyd i ddyn - yn ei 40au - gydag anafiadau oedd yn gyson â chwymp. 

“Yn anffodus, fe gadarnhawyd ei fod wedi marw yn y fan a'r lle."

Yn ôl adroddiadau o’r stadiwm, cwympodd y dyn o haen uchaf stadiwm Wembley, sydd a’r gallu i ddal hyd at 90,000 o bobl.

Mae Oasis wedi ail-ffurfio ar gyfer taith fyd-eang eleni, wedi saib o dros 15 mlynedd. Fe ddechreuodd y band eu taith yng Nghaerdydd ym mis Gorffennaf, gan chwarae dau gyngerdd yn Stadiwm y Principality.