Mae Jannik Sinner wedi curo Carlos Alcaraz yn rownd derfynol senglau'r dynion yn Wimbledon.

Dyma'r tro cyntaf i Sinner ennill y gystadleuaeth. 

Alcaraz enillodd y set gyntaf, ond fe frwydrodd Sinner yn ôl i ennill gweddill y setiau ar ôl llwyddo i dorri serf ei wrthwynebydd.

Roedd Alcaraz yn gobeithio ennill y gystadleuaeth am y drydedd flwyddyn yn olynol.

Alcaraz oedd yn fuddugol yn erbyn Sinner yn rownd derfynol Pencampwriaeth Agored Ffrainc 35 diwrnod yn unig yn ôl.