Mae rhestr fer caneuon Cân i Gymru 2025 wedi ei chyhoeddi. 

Bydd Elin Fflur a Trystan Ellis-Morris yn dychwelyd wrth iddyn nhw gyflwyno’r gystadleuaeth yn Dragon Studios, Pen-y-bont ar Ogwr ar nos Wener 28 Chwefror 2025. 

Mi fydd cyfansoddwr y gân fuddugol yn derbyn £5,000 a chytundeb perfformio, gydag ail wobr o £3,000 a thrydedd wobr o £2,000. 

Y cerddor Osian Huw Williams, prif leisydd y band Candelas a chyn gyd-enillydd y wobr yw cadeirydd panel y beirniaid a fydd yn mentora'r cystadleuwyr ac yn cyflwyno tlws Cân i Gymru i'r cyfansoddwr buddugol. 

Mae’r cerddor Peredur ap Gwynedd; y gantores, actores a chyflwynydd Caryl Parry Jones, y rapiwr a chyfansoddwr Sage Todz a’r gantores a’r gyfansoddwraig Catty ymhlith y beirniaid eleni. 

Rhestr fer Cân i Gymru 2025

Yr wyth cân sydd wedi cael eu dewis i gystadlu yw:  

Troseddwr yr Awr 

Cyfansoddi a chanu: Dros Dro

Image

Am Byth 

Cyfansoddi: Geth Vaughan 

Canu : Lewys Meredydd 

Image

Torra Dy Gwys 

Cyfansoddi: Elfed Morgan Morris, Carys Owen, Emlyn Gomer Roberts 

Canu: Catrin Angharad Jones 

Image

Gwydr Hanner Llawn 

Cyfansoddi a chanu: Garry Owen Hughes 

Image

Mae’r Amser Wedi Dod 

Cyfansoddi a chanu: Heledd a Mared Griffiths 

Image

Lluniau Ar Fy Stryd 

Cyfansoddi: Meilyr Wyn 

Canu: Gwen Edwards 

Image

Hapus 

Cyfansoddi a chanu: Geth Vaughan 

Image

Diwedd y Byd 

Cyfansoddwr a chanu: Marc Skone 

Image

Pleidleisio

Yn ôl yr arfer, y gwylwyr sy'n gyfrifol am ddewis cân fuddugol cystadleuaeth Cân i Gymru drwy bleidleisio am eu hoff gân. 

Ond fe fydd proses bleidleisio newydd eleni ac mae disgwyl i fanylion pellach gael ei rhannu yn ystod yr wythnos cyn y gystadleuaeth. 

Fe ddywedodd y rheoleiddiwr Ofcom bod y sioe wedi torri rheolau darlledu'r llynedd ar ôl derbyn 10 o gwynion wedi i rai fynegi rhwystredigaeth ar y cyfryngau cymdeithasol am nad oedden nhw wedi llwyddo i bleidleisio.

'Ti' gan Sara Davies a gipiodd gwobr Cân i Gymru 2024 ar 1 Mawrth y llynedd. 

Bydd yr holl ganeuon eleni yn cael eu chwarae ar Radio Cymru o 18 Chwefror ymlaen.