Ers canrif a mwy, mae pel-droed wedi bod yn cael ei chwarae yma ar Barc Penydarren, cartref Clwb Pel-droed Merthyr.

Mae'r Clwb, sydd yn berchen i'r cefnogwyr yn chwarae yn y pyramid pel-droed yn Lloegr ond mae 'na gais iddyn nhw ddychwelyd i'r gorlan Gymreig.

Mae Cymdeithas Bel-droed Cymru wedi cysylltu a'r perchnogion yn awgrymu y gallen nhw dderbyn hyd at £6 miliwn tasen nhw'n ymuno a'r Cymru Premier fydd yn ehangu i 16 tim yn 2026.

Byddai'r gymdeithas yn cyfrannu £2 filiwn tuag at wella isadeiledd y stadiwm a'n gwneud cais am arian cyfatebol gan gyrff llywodraethol ac awdurdodau lleol.

Byddai'r gymdeiths hefyd yn cyfrannu £250,000 bob blwyddyn am bum mlynedd i'r clwb am chwarae yn y Cymru Premier gydag arian ychwnaegol yn cael ei roi ar gyfer cronfa'r cae 4G a chyfleusterau teledu.

Mae darbwyllo Merthyr i ymuno a'r Cymru Premier yn ganolog i gynllun Cymdeithas Bel-droed Cymru i ailwampio'r gynghrair.

Yn y gorffennol, mae son 'di bod am ehangu'r gynghrair i 16 o dimau.

Ond a fydd Merthyr yn un o'r timau hynny?

Mae gan Kevin Rogers atgofion pleserus o chwarae yma ar Barc Penydarren.

Fe sgoriodd mewn gem Ewropeaidd yn erbyn cewri'r Eidal, Atlanta.

Beth wnaiff e o'r cynnig diweddara'?

"This football club is being very well run by a group of people. It's a community club.

"There are more people wanting to become involved. The crowd are growing here, and the team's getting better.

"Everything ticks the box. It's a difficult question to answer."

Mae Kath Morgan wedi bod yn cefnogi Merthyr ers yn blentyn.

Mae ei hangerdd tuag at y clwb yr un mor gryf heddiw.

"Mae'r clwb mewn safle da.

"Maen nhw ar frig eu cynghrair ac yn edrych am ddyrchafiad. Does dim problem denu chwaraewyr da a lleol.

"Mae criw o chwaraewyr lleol yn nhim yr ieuenctid wedi dod drwy'r llwybr gyda'r clwb.

"Nawr, maent yn chwarae i'w tim cyntaf.

“Ni'n agos fel clwb ac mae lot o gefnogwyr yn y dref. Mae lot o bobl yn cynrychioli'r clwb yn wirfoddol.

"Mae'r ofn o golli'r elfen hynny yn broblem."

Mae cyfarfod yn cael ei gynnal ym Merthyr heno i drafod y sefyllfa.

Mae disgwyl i'r aelodau bleidleisio ar y mater cyn diwedd y mis.