Mae dyn wedi cael ei gludo i’r ysbyty gydag “anafiadau all newid ei fywyd” yn dilyn gwrthdrawiad ger Caerdydd fore dydd Llun. 

Mae dyn 30 oed o ardal Y Tyllgoed wedi’i arestio ar amheuaeth o yrru dan ddylanwad cyffuriau. 

Fe gafodd Heddlu De Cymru eu galw i wrthdrawiad rhwng dau gar, fan a lori ar ffordd orllewinol yr A48 i gyfeiriad Caerdydd am 05.00. 

Cafodd dyn ei gludo i Ysbyty Athrofaol Cymru yng Nghaerdydd gydag anafiadau difrifol allai newid ei fywyd meddai’r llu. 

Mae’r dyn o’r Tyllgoed wedi’i arestio ar amheuaeth o yrru dan ddylanwad cyffuriau, gyrru pan nad yw’n ddiogel i wneud hynny o achos effaith cyffuriau neu alcohol, ac achosi anafiadau difrifol trwy yrru'n ddiofal.