Cafodd dau berson eu cludo i’r ysbyty tra bod ci wedi marw yn dilyn ffrwydrad ar gwch yn ardal Wrecsam nos Sadwrn.

Cafodd Gwasanaeth Tân y Gogledd eu galw i gamlas ar farina Y Waun am 18.10 yn dilyn ffrwydrad nwy ar gwch bleser.

Image

Roedd dau bwmp o Orsaf Dân Wrecsam ac uned achub dŵr Dyfrdwy ar y lleoliad i geisio diffodd y tân.

Fe wnaeth y tân ymledu i gwch camlas 40 droedfedd.

Fe wnaeth dau berson lwyddo i ddianc rhag y ffrwydrad ond fe gafwyd eu cludo i’r ysbyty mewn ambiwlans ar ôl ddioddef man anafiadau.

Image

Cafodd y cwch bleser ei ddinistrio’n gyfan gwbl cyn suddo, tra bod ci oedd ar fwrdd y cwch wedi marw yn y ffrwydrad.

Fe gafodd y cwch gamlas ei ddifrodi'n ddifrifol gan y tân, ond fe wnaeth y criwiau tân lwyddo i atal iddo rhag lledaenu ymhellach.

Lluniau: Gorsaf Dân Wrecsam