Mae Heddlu Dyfed-Powys wedi lansio ymchwiliad i ymgais i lofruddio ar ôl i ddyn ddioddef anafiadau difrifol.

Cafodd y gwasanaeth ambiwlans eu galw i eiddo yn Llethyr Bryn yn Llandrindod ychydig cyn 20.20 nos Sadwrn.

Roedd adroddiadau fod y dyn wedi dioddef anafiadau difrifol.

Mewn datganiad dywedodd Heddlu Dyfed-Powys: "Mae tîm yr ymchwiliad yn apelio am wybodaeth ac maen nhw siarad ag unrhyw un a welodd y digwyddiad neu a allai helpu i adnabod y person sy'n gyfrifol.

"Os ydych yn byw yn yr ardal ac wedi gweld neu glywed unrhyw ymddygiad amheus neithiwr, cysylltwch â ni.

"Gallwch chi wneud hyn trwy ddyfynnu'r cyfeirnod 306 o 14 Rhagfyr."

Llun: Google