Mae Heddlu Dyfed Powys yn ymchwilio i farwolaeth "anesboniadwy" plentyn ifanc ym mhentref Clunderwen, Sir Benfro.

Cafodd swyddogion alwad gan Ymddiriedolaeth Gwasanaeth Ambiwlans Cymru ynghylch lles baban mewn cyfeiriad yn y pentref am tua 13.45 ddydd Gwener.

Dywedodd y llu fod y plentyn wedi marw yn y fan a'r lle, ac mae swyddogion wedi anfon eu cydymdeimladau at y teulu.

"Mae'r farwolaeth yn cael ei thrin fel un anesboniadwy ar hyn o bryd", meddai datganiad gan yr heddlu

Roedd Ymddiriedolaeth Gwasanaeth Ambiwlans Cymru ac Ambiwlans Awyr Cymru yn bresennol yn y digwyddiad.

Nid oes rhagor o wybodaeth am yr hyn ddigwyddodd ar hyn o bryd.