Roedd yna ganlyniadau rhyfeddol yn ail rownd Cwpan Cymru JD nos Wener wrth i Hotspur Caergybi hawlio'r penawdau drwy drechu Caernarfon ar giciau o'r smotyn.

Wedi i'r gêm orffen yn ddi-sgôr yn y Stadiwm Newydd, fe enillodd y tîm o'r drydedd haen o bum gôl i bedwar ar giciau o'r smotyn, i gnocio'r Caneris allan o'r gystadleuaeth.

Inline Tweet: https://twitter.com/sgorio/status/1847382671829455173

Mewn sioc arall, fe lwyddodd Penydarren o Uwch Adran Cyngres De Cymru i drechu tîm o'r gynghrair uwch eu pennau, Pontypridd, gartref o ddwy gôl i ddim.

Ni fydd arweinwyr y Cymru Premier, Pen-y-bont, yn parhau yn y gystadleuaeth ar ôl colli o gôl ddim gartref yn erbyn Met Caerdydd.

Ac fe roddodd Y Seintiau Newydd grasfa o 16 gôl i ddim i Langollen, o Uwch Adran y Gogledd Ddwyrain, gan lwyddo i unioni'r record am y fuddugoliaeth fwyaf swmpus yn hanes y Gwpan.

Rhagor o syrpreisys?

A gyda 25 o gemau yn cael eu chwarae ddydd Sadwrn, fe allwn weld fwy o ganlyniadau syfradnaol gyda thimau mor isel â'r bumed haen yn cael y cyfle i geisio cyrraedd trydedd rownd y gystadleuaeth.

Warriors Bae Caerdydd a Chlwb Cymric yw’r unig ddau glwb o’r bumed haen sy’n dal i fod yn y gystadleuaeth, a bydd Clwb Cymric yn croesawu enillwyr Cwpan Cymru 2010/11, Llanelli i’r brif ddinas brynhawn Sadwrn.

Inline Tweet: https://twitter.com/NewyddionS4C/status/1847351689042337958

Bydd Llansawel yn ysu i osgoi embaras yn erbyn New Inn o’r bedwaredd haen, tra bod y Drenewydd yn wynebu taith i Lanuwchllyn o’r drydedd haen.

Adar Gleision Trethomas sy’n eistedd ar frig Cynghrair y De, ac mi fyddan nhw’n anelu i guro Adar Gleision Hwlffordd am yr eildro o fewn dwy flynedd ar ôl achosi dipyn o sioc yn Hydref 2022 (Tre 2-1 Hwl).

Bydd Y Barri hefyd yn herio clwb o Gynghrair y De, ac mae’r tair gêm ddiwethaf rhwng Y Barri a Chaerau Trelai wedi gorffen yn gyfartal.

Wedi dechrau digon simsan i’r tymor bydd Aberystwyth a Chei Connah yn benderfynol o beidio baglu yn erbyn Rhydaman a Chegidfa o’r ail haen.

Gemau Cwpan Cymru JD - Dydd Sadwrn 19 Hydref

Caersws v Y Rhyl 1879

Trefynwy v Y Pîl

Bwcle v Bae Colwyn

New Inn v Llansawel

Penrhyncoch v Yr Wyddgrug

Trefelin v Corinthiaid Casnewydd

Bangor 1876 v Llai

Llanilltud Fawr v Morriston

Y Barri v Caerau Trelai

Dinbych v Llangefni

Dyffryn Aber v Prifysgol Abertawe

Llun: Cymdeithas Bêl-droed Cymru

Llannefydd v Bae Trearddur

Warriors Bae Caerdydd v Rogerstone

Llanrwst v Cerrigydrudion

Corinthiaid Caerdydd v Lido Afan

Cei Connah v Cegidfa

Hwlffordd v Adar Gleision Trethomas

Cambrian v Goytre Utd

Porthmadog v Airbus UK

Clwb Cymric v Llanelli

Treffynnon v Rhuthun

Aberystwyth v Rhydaman

Llanuwchllyn v Y Drenewydd

Penrhiwceiber v Caerfyrddin

Llandudno v Bae Cinmel

Llun: Cymdeithas Bêl-droed Cymru/Sam Eaden