Mae oleiaf un ffrwydrad wedi taro prifddinas Libanus, Beirut nos Fawrth.

Yn ôl byddin Israel, nhw oedd yn gyfrifol am yr ymosodiad. 

Maen nhw'n dweud iddyn nhw dargedu un o arweinwyr Hezbollah gan ychwanegu mai fe oedd yn gyfrifol am y gyflafan yn Golan Heights ddydd Sadwrn, sydd wedi ei feddiannu gan Israel.

Cafodd 12 o blant a phobl ifanc eu lladd.  

Mae Hezbollah yn gwadu mai nhw oedd yn gyfrifol am yr ymosodiad hwnnw.

Digwyddodd yr ymosodiad yn un o faestrefi de Beirut nos Fawrth. 

Dyw hi ddim yn glir a oes unrhywun wedi ei anafu.