Mae dyn 65 oed wedi marw ar ôl digwyddiad gyda beic cwad amaethyddol yng Ngheredigion. 

Dywedodd Heddlu Dyfed-Powys eu bod nhw wedi cael eu galw wedi adroddiad o ddigwyddiad yn ymwneud â beic cwad mewn cae yn ardal Llanilar ger Aberystwyth nos Fercher. 

Bu farw dyn 65 oed yn y fan a'r lle. 

Mae ei deulu wedi cael gwybod ac yn cael eu cefnogi gan swyddogion arbenigol. 

Mae'r crwner a'r Awdurdod Gweithredol Iechyd a Diogelwch wedi cael gwybod.