Mae merch Capten Syr Tom Moore wedi’i hatal rhag bod yn gyfrifol am elusen a gafodd ei sefydlu yn enw ei thad, yn sgil pryderon am annibyniaeth yr elusen. 

Mae Hannah Ingram-Moore, a’i gwr, Colin wedi cael eu hatal gan y Comisiwn Elusennau rhag bod yn ymddiriedolwyr  elusen The Captain Tom Foundation.

Llwyddodd Syr Tom i godi £38.9 miliwn i'r Gwasanaeth Iechyd drwy gerdded gant o weithiau o gwmpas ei ardd yn ystod y cyfnod clo yn 2020, ychydig cyn ei benblwydd yn 100 oed. Bu farw yn 2021.

Mewn datganiad, dywedodd y teulu Ingram-Moore na fyddan nhw’n apelio yn erbyn y penderfyniad. 

Dywedodd eu bod nhw wedi gwneud “penderfyniad hynod o anodd” ond nad oedden nhw am  apelio yn erbyn y comisiwn a hynny ar sail y “byrdwn ariannol” y byddai hynny’n golygu. 

Fe gafodd The Captain Moor Foundation ei sefydlu yn 2020. Ond mae’r elusen wedi bod dan ymchwiliad gan y Comisiwn Elusennau ers Mehefin 2022, wedi i Syr Tom farw yn 2021 yn 100 oed. 

Daw’r ymchwiliad ymhlith pryderon ynglŷn ag annibyniaeth yr elusen oddi’r teulu, yn ogystal â’r modd y mae’r elusen yn cael ei gynnal. 

Llun: Jacob King/PA Wire