Mae’r rhestr diweddaraf o'r enwau mwyaf poblogaidd ar gyfer babanod yng Nghymru wedi’i gyhoeddi. 

Noah oedd yr enw mwyaf poblogaidd ar gyfer bechgyn yn ôl ystadegau'r ONS o 2022, ac Olivia oedd yr enw mwyaf poblogaidd i ferched. 

Ar restr enwau’r merched, yr enw Isla ddaeth yn ail gydag Amelia yn drydedd. Cafodd 145 o fabanod eu henwi’n Olivia, 137 wedi’u henwi’n Isla a 129 wedi’u henwi’n Amelia, yn ôl ystadegau diweddaraf y Swyddfa Ystadegau Gwladol. 

Yr enw Theo ddaeth yn ail ar restr y bechgyn gyda 196 o fabanod wedi’u henwi gyda’r enw, ac Oliver ddaeth yn drydedd gyda 188 o fabanod wedi’u henwi. Cafodd 264 o fabanod eu henwi’n Noah. 

Osian oedd yr enw Cymraeg uchaf ar restr enwau’r bechgyn, yn y 11fed safle, gan fethu â chyrraedd y 10 enw mwyaf poblogaidd.

Image

Roedd sawl enw Cymraeg ar y ddwy restr gan gynnwys Elis yn safle 21 ar restr y bechgyn, Harri yn safle 23, Jac yn safle 29, Dylan yn safle 35, Macsen yn safle 36, a Tomos yn safle 48.

Roedd yr enwau Cai, Idris a Rhys hefyd ymhlith rhai'r o'r enwau Gymraeg ar y rhestr enwau, gan ymddangos yn safle 85 ar y cyd ar restr y bechgyn gyda 37 o fabanod gyda’r enwau hynny. 

Ar restr enwau’r merched, Mali oedd y fwyaf poblogaidd o’r enwau Gymraeg gan ymddangos yn y 15fed safle. Roedd Seren yn safle 37, Eira yn safle 47, Mabli yn safle 54, Alys a Ffion yn safle 57 ar y cyd, Cadi yn safle 62 a Nansi yn safle 68. 

Image

Roedd Megan, Eleri ac Elin hefyd yn ymddangos ar y rhestr yn safle 81 ar y cyd gyda 29 o fabanod yn dwyn yr enwau rheini.

Roedd Lily, Elsie, Ava, Ivy, Millie, Freya ac Ella hefyd ymysg y 10 enw mwyaf poblogaidd i ferched, tra oedd Arthur, Luca, Oscar, George, Archie, Freddie a Leo ymysg y 10 enw mwyaf poblogaidd i fechgyn.