Yn ôl dadansoddwyr, does dim arwyddion eto fod gan bobl hyder i wario, er bod chwyddiant yn gostwng. Mae yna obeithion hefyd y gallai Banc Lloegr ostwng cyfraddau llog yn y dyfodol agos. 

Roedd cynnydd o 4.4% yng ngwerthiant bwyd, o gymharu â'r cyfnod union flwyddyn ôl.

Ond roedd gostyngiad o 2.8% yng ngwerthiant nwyddau nad oedd yn fwyd.

Roedd mymryn o gynnydd yng ngwerthiant offer technegol, wrth i rai uwchraddio eu cyfrifiaduron, ffonau a dyfeisiadau eraill.  

Ond roedd gwerthiant dillad, esgidiau, celfi'r ardd ac offer ar gyfer y cartref yn isel, a hynny'n bennaf oherwydd y tywydd siomedig.