Bachgen wyth oed yw'r unig berson i oroesi damwain bws yn Ne Affrica sydd wedi lladd 45 person.

Mae'r bachgen yn derbyn triniaeth yn yr ysbyty.

Dywedodd y weinidogaeth drafnidiaeth yn y wlad bod y gyrrwr wedi colli rheolaeth ar y bws ac fe wrthdarodd â rhwystr ffordd ar bont.

Achosodd hyn i'r bws gwympo dros y bont ac fe aeth ar dân.

Digwyddodd y ddamwain ger Mamatlakala yn nhalaith Limpopo wrth gludo pobl o Fotswana ddydd Iau.

Parhaodd ymgeisiadau achub tan oriau hwyr nos Iau, ac mae'r awdurdodau yn parhau i geisio adnabod rhai o'r teithwyr.

Llun: Adran Trafnidiaeth a Diogelwch Cymunedol Limpopo